POLISI YATAJA WALIONASWA KUMUUA KAMANDA BARLOW

JESHI la polisi, limetoa taarifa ya awali ya mauaji ya aliyekuwa kamanda wa polisi mkoa wa Mwanza Liberatus Barlow (53) na kubainisha idadi ya watuhumiwa 10 wanashikiliwa kwa mauaji hayo huku likitaja sababu mbili za kisasi cha mapenzi na ujambazi ndiyo zinaweza kuwa chanzo.

Taarifa hiyo ya kukamatwa kwa watuhumiwa hao wa mauaji imetolewa na Mkurugenzi wa Upelelezi wa makosa ya Jinai (DCI) Robert Manumba mbele ya Mkuu wa Jeshi la Polisi, Inspekta Generali wa Polisi (IGP) Said Mwema na makamanda mbalimbali wa jeshi hili kutoka wilaya na vituo mbalimbali mkoani Mwanza.

Taarifa hiyo imetolewa jana jioni muda mfupi baada ya IGP Mwema kumaliza vikao viwili kimoja kikiwa ni Kamati ya Ulinzi na Usalama cha Mkoa kinachoongozwa na Mkuu wa Mkoa wa Mwanza Mhandisi Evarist Ndikilo, na baadaye kikao cha maofisa wa polisi ambavyo vyote waandishi wa habari hawakuudhuria.

Mwenyekiti wa Kamati ya Ulinzi na Usalama mkoa wa Mwanza, Evarist Ndikilo akizungumza na Mwananchi alieleza kwamba jeshi hilo lilitoa taarifa hiyo katika kikao hicho awali na kwamba baada ya kuridhika nayo ndipo alikwenda kuzungumza na maofisa wake na kutoa kwa vyombo vya habari.

Uchunguzi ulivyoendeshwa:

Akizungumzia namna ambavyo jeshi hilo liliendesha uchunguzi huo, DCI Manumba alisema kuwa walipofika Mwanza yeye na kikosi chake kilichojulikana kama Kikosi kazi cha Upelelezi walilazimika kujigawa katika vikosi vitatu ambavyo ni Kikosi cha Ukamataji, Kikosi cha Mahojiano na kingine cha ufuatiliaji na ukusanyaji wa taarifa za Interejensia huku wakitumia njia za kisanyansi katika ufuatiliaji mitandao ya simu.

Alisema kuwa kikosi kazi cha ufuatiliaji kilijikita katika ufuatiliaji katika mikoa yote ya kanda ya ziwa ikiwemo Dar es Saalam kutoka na taarifa walizokuwa zikichambuliwa kinterejensia na kutoa majukumu kwa kikosi cha ukamataji na waliokamatwa walikabidhiwa kikosi cha mahojiano.

“Wakati tunafanya hivyo tayari wenzetu walikuwa wanamshikiria Mwalimu Doroth aliyekuwa na marehemu wakatia akiuwawa na majambazi hao huku wakimuhoji kutokana na tarifa mbalimbali zilizokuwa zinafaikia zikiwemo zile wivu wa mapenzi”alisema Manumba  na kuongeza kuwa.

Sababu za Ujambazi:

Alisema katika ufuatiliaji wa pili baada ya kupatikana simu ya Mwalimu Dorothy Moses aliyekuwa na marehemu kamanda huyo usiku wa tukio, ambayo ilipatikana na kufanikisha kukamatwa kwa watuhumiwa watano jijini Dar es salaam ambao wameonekana kuwa na rekodi ya kuhusika na mtukio kadhaa ya Ujambazi Mwanza na Dar es salaam.

DCI Manumba akisoma ripoti ya uchunguzi kwa Waandishi wa Habari

“Watu hawa ni majambazi, na kabla ya kumuua kamanda Mwanza inaonekana walihusika na matuko kadhaa ya ujambazi, na hata baada ya kukimbilia dar nako walihusika na matukio kadhaa na kufanikiwa kukamatwa ambapo wamekiri kuhusika na kutuwezesha kukamata siraha aina ya Shotgun pamoja na silaha nyingine aina ya Pumpaction,” alieleza DCI Manumba.

Aliwataja waliokamatwa katika tukio la Dar es salaam kuwa ni Muganyizi Marko Petro (36), Chacha Mwita (50), Magige Mwarwa(35), Edward Masota (33) pamoja na Bhoke Mwita (54) ambao wote wamekamatiwa jijini Dar es Saalm.

Kutokana na rekodi ya ujambazi na mmoja wao kubainika kuwa alitoka jela miezi minne kabla ya tukio hilo jeshi la polisi kwa watuhumiwa hawa limedai sababu inaweza kuwa ni tukio la ujambazi.

Sababu za kisasi cha Mapenzi:

Hata hivyo akielezea wakati wa maswali kwa waandishi wa habari, IGP Mwema alisema Waliokamatwa Dar ni watuhumiwa watano, lakini wapo watuhumiwa wengine wa Mwanza ambao ni pamoja na Dorothy Moses na mpenzi wake Feliex Felician na nduguye Fumo Felician pamoja na wengine wawili bado wanashikiliwa na jeshi hilo kutokana na dhana ya awali ya kisasi cha mapenzi ambao hawaajaachiwa.

Kwa sasa hatuwezi kueleza iwapo sababu ya mauaji ni nini hasa bado tunaendelea na kuunganisha sababu za makundi haya mawili na kile walichosema ili kupata sababu moja ya mauaji yao na pindi tutakapokamilisha tutaitangaza.

Wengine watatufwa:

Aidha IGP Mwema na DCI Manumba walieleza kuwa katika itadi hiyo ya watuhumiwa 10 bado jeshi lake linaendelea kuwasaka watu wengine wawili ambao wametajwa kuhusika na tukio hilo na kundi la watuhumiwa waliokamatwa Dar es salaam.

IGP Mwema alisema kuwa tukio la mauwaji ya kamanda Barlow halijawavuja moyo na badala yake wamejifunza na kuongeza ulinzi zaidi ili kuzuia matukio kama hayo yasitokee tena.

Alisema kuwa Jeshi la Polis linajipanga kuwapatia mafunzo askali wake ili kuhakikisha analinda hali ya usalama wa Taifa hili.

“Hata hivyo tumeweza kufanya kazi nzuri katika kipindi hiki kwa kuhakikisha mkoa wa Mwanza unakuwa na amani na utulivu baada ya kifo cha kamanda Barlow”alisema IGP Mwema.

Aliendelea kwa kusema kuwa Jeshi la Polisi halitasita kumchukulia hatua mtu yeyote ambayo atakuwa  nataka kuvuja amania ya nchi hii iwe uchambazi au uchochozi.

Aliwaasa wananchi kuwa na siri binafsi,ya umma na yakijamii ili kujikinga na kuharibu amani ya Taifa hilo ambayo imekuwepo kwa muda mrefu. 

Kamanda Barlow aliuawa Oktoba 13 mwaka huu majira ya saa 8 usiku wakati akitoka kwenye kikao cha maandalizi ya arusi ya mtoto wa dada yake Sembuli Moleto kilichofanyika Hotel Florida wakati akimsindikiza mwalimu wa shule ya Msingi Nyamagana B, Dorothy Moses eneo la Minazi mitatu Kitangiri.