Darasa la saba sasa kujiunga vyuo vikuu

Tume ya Vyuo Vikuu Nchini (TCU), imepanga kuanza kuwadahili wanafunzi wa kujiunga na masomo ya vyuo vikuu kwa kutumia uzoefu wao.

Udahili huo utakaoanza mwaka huu wa masomo 2013/14, utakuwa ukiwahusisha wale ambao elimu yao imeishia darasa la saba na kuendelea, lakini walikosa sifa ya kuendelea na masomo kwa ngazi ya chuo kikuu.

Kupitia utaratibu huo mpya, mtahiniwa atajiunga na Chuo Kikuu kulingana na fani atakayoiomba na atatakiwa kufanya mitihani mitatu na kufaulu kwa wastani wa daraja B.

Mkurugenzi wa Ithibati na Ubora wa Elimu ya Juu kutoka TCU, Dk Savinus Maronga aliliambia gazeti hili kuwa baada ya kuona kuna watu wengi wanaopenda kuendelea na masomo ya elimu ya juu, lakini wameshindwa kutokana na kutokuwa na vigezo, TCU imeamua kuanzisha mitihani hiyo maalumu.

Alisema kuwa mfumo huo unaojulikana kama ‘Recognition of Prior Learning’ (RPL), utamwezesha mwombaji kudahiliwa vyuoni kupitia tume hiyo kama wanavyofanya watahiniwa wengine.

Sifa zinazotakiwa
Kuhusu sifa za kujiunga, Dk Maronga alisema kuwa mwombaji anatakiwa kuwa na umri kuanzia miaka 25 na kuendelea, sambamba na kuwa na elimu isiyopungua darasa la saba.

“Mwombaji anatakiwa kuwa na nia ya kujiunga na elimu ya chuo kikuu na uzoefu wa kile ambacho anakusudia kukisoma.

Awe na uwezo wa kuandika na kusoma Lugha ya Kiingereza, ambayo ndiyo inayotumika kufundishia vyuoni,”alisema Dk Maronga na kuongeza:

“Kuna watu wameishia darasa la saba, lakini wamefanya kazi katika eneo moja, mfano karani wa mahakama, mwandishi wa habari kwa muda mrefu. Hivyo mfumo huu utawawezesha kuendelea na masomo bila tatizo.”

Vigezo
Mkurugenzi huyo alisema, kutakuwa na mitihani ya masomo matatu, ambayo mtahiniwa ili apate nafasi ya kuendelea na masomo ni lazima afaulu kwa wastani wa daraja B.

Alisema daraja la kwanza linaloanza na alama A ni 75-100, daraja B+ ni 60-75, B ni 50-59, C ni 40-49, D ni 35-39 na daraja E ni 0-34.

“Katika mitihani mitatu atakayoifanya, atatakiwa kupata wastani wa daraja ‘B’ na somo husika la fani yake atatakiwa kupata alama B ili kuwa na vigezo vya kupata cheti kitakachomwezesha kuendelea na masomo yake,”alisema Dk Maronga.

Alibainisha kuwa mitihani itakayokuwa ikitumika kudahili watahiniwa itakuwa ni wa somo la Kiingereza na Hisabati utakaokuwa na alama 30.

Mtihani wa Pili utakuwa na alama 30 ambao ni mtihani wa Maarifa na wa tatu utakuwa na alama 40, utakaokuwa ukitokana na fani husika ya mwombaji.

“Mfano mtahimiwa anataka kusomea sheria au uandishi wa habari, atatakiwa kufaulu kwa asilimia 50 somo husika, hivyo endapo atakosa kupata asilimia 50 ya somo lake hatapata cheti kitakachomwezesha kuendelea na elimu ya juu,”alisema Dk Marango na kuongeza:

“Cheti tutakachompatia mtahiniwa kitakuwa halali kwa kipindi cha miaka mitatu na baada ya hapo mwombaji atatakiwa kufanya upya mitihani hiyo.”

Viambatanisho
Kutokana na maelezo ya TCU, mwombaji anatakiwa kuambatanisha cheti cha kuzaliwa au hati ya kusafiria,wasifu wake pamoja na vyeti vya ushiriki mzuri kutoka sehemu anayofanyia kazi.

Vingine ni nakala za vyeti vya taaluma, picha ndogo ‘passport size, nakala za vyeti vya taaluma za masomo ya hapo awali, ripoti ya tathmini ya utendaji kazi wake kazini kwa walioajiriwa kutoka kwa mwajiri na nakala ya kozi za awali alizokwishafanya.

Vituo vya Mitihani
Mkurugenzi huyo alisema mitihani itafanyika kati ya Mei na Juni mwaka huu katika vituo vinne vilivyoandaliwa katika vyuo.

Alisema kuwa chini ya mfumo huo Chuo Kikuu cha Dodoma (UDOM), kitahusika na masuala ya Elimu huku Chuo Kikuu Tumaini Makumira cha Dar es Salaam (TUMADARCo) kikihusika na Uandishi wa Habari na Mawasiliano kwa Umma.

Chuo cha Kilimo Sokoine (SUA), kitahusika na Kilimo na Wanyamapori wakati Chuo Kikuu cha Mzumbe (MU) kitahusika na masuala ya usimamizi na utawala,uhasibu, sheria na Teknolojia ya Habari na Mawasiliano (ICT).

“Kwa kuwa ndiyo tunaanza, tumeamua kutenga vituo vinne, lakini mwakani tunatarajia kuongeza viwe vingi ili kukidhi mahitaji ya wananchi walio wengi,”anasema Dk Maronga.
Chanzo: http://www.mwananchi.co.tz/habari/Kitaifa/-/1597296/1753450/-/item/0/-/u5m88u/-/index.html

Mtuhumiwa wa Mlipuko wa Mabomu Boston Alivyo Patikana

Inasemekana kuwa mtuhumiwa na mlipuko wa mabomu kule Boston alikuwa amesimama mwenyewe, rangi ya ngozi ni brown, alikuwa amebeba backpack na alikuwa haangalii mbio.

Wassira: Kwani Kibanda ndiyo nani?

Waziri wa Nchi, Ofisi ya Rais (Uratibu na Mahusiano), Stephen Wasira, ameitetea Idara ya Usalama wa Taifa dhidi ya tuhuma zinazowahusu baadhi ya watendaji wake kuhusika katika matukio kadhaa ya utekaji na utesaji wa raia.

Akizungumza bungeni jana jioni wakati wa kujibu hoja mbalimbali zilizotolewa na wabunge waliochangia katika hotuba ya makadirio ya bajeti ya mwaka 2013/14 ya Ofisi ya Rais, alisema haiwezekani kwa watumishi wa idara hiyo kujihusisha na matukio hayo na kueleza mafanikio mbalimbali ambayo idara hiyo imeliletea taifa.

Wasira akiwa ameuchapa usingizi Bungeni

Alihoji sababu za kulihusisha tukio la kutekwa na kuteswa kwa Mwenyekiti wa Jukwaa la Wahariri nchini (TEF), Absalom Kibanda; na kuhoji ‘kwani yeye ni nani?.’

Wassira alisema haiwezekani idara hiyo ikahusika kwa kuwa Kibanda hana umaarufu katika siasa za Tanzania na kusema kwamba labda wangekuwa Mwenyekiti wa Chama cha Demokrasia na Maendeleo (Chadema), Freeman Mbowe, na Katibu Mkuu wa chama hicho, Dk. Willibrod Slaa, angeelewa.

Kibanda alivamiwa na watu wasiojulikana wakati akirejea nyumbani kwake, Mbezi Juu, jijini Dar es Salaam Machi 5, mwaka huu.

Katika tukio hilo, watu hao walimng’oa meno, kumkata kidole na kumharibu jicho la kushoto.

Hali hiyo ilisababisha Kibanda kulazwa katika Hospitali ya Taifa Muhimbili (MNH), baadaye katika Taasisi ya Tiba ya Mifupa (MOI), jijini Dar es Salaam kabla ya kuhamishiwa hospitali ya Milpark, Johannesburg, Afrika Kusini ambako anaendelea na matibabu zaidi hadi sasa.

Kibanda alifanyiwa unyama wa kutisha unaofanana na ule aliofanyiwa Mwenyekiti wa Jumuiya ya Madaktari, Dk. Stephen Ulimboka, mwaka jana.

Hata hivyo, pamoja na kwamba Inspekta Jenerali wa Polisi (IGP), Said Mwema, ameunda timu ya makachero kuchunguza kutekwa kwa Kibanda, hadi jana siku 45 tangu kutokea kwa unyama huo, hakuna taarifa za kukamatwa kwa mtu yeyote.

Katika majumuisho ya jana, Wassira alitaja mafanikio ya Usalama wa Taifa kwamba ni pamoja na kusaidia shughuli za ukombozi Kusini mwa Afrika, kuzima njama za uhaini mapema miaka ya 80 na kutoa taarifa sahihi zilizosaidia kukamatwa kwa watu waliohusika katika shambulio la kigaidi katika ubalozi wa Marekani jijini Dar es Salaam mwaka 1998.

Pia alisema kuwa ni idara hiyo ilisaidia kufikiwa kwa kiini cha ujambazi wa kupora mabenki nchini ambao ulikuwa umepamba moto sana nchini miaka ya 2004-2006.

Wassira alisema Idara ya Usalama wa Taifa haiwezi kumfuata na kumdhuru mtu yeyote isipokuwa anayepanga njama za uhaini dhidi ya serikali.  Akizungumzia udini, alisema haujaleta athari kwa wananchi wa vijijini na mijini na kwamba bado waumini wa madhehebu yote wanashirikiana katika mambo mbalimbali.

Hata hivyo, alisema katika baadhi ya matukio yaliyotokea nchini katika miezi ya karibuni, serikali imechukua hatua kadhaa za kudhibiti matukio hayo.

Alizitaja hatua hizo kuwa ni kumkamata mtuhumiwa wa mauaji ya Padri Evaristus Mushi wa Kanisa Katoliki Parokia ya Minara Miwili Zanzibar; kuwakamata na kuwafungulia mashitaka watuhumiwa wa kuchoma makanisa Mbagala mkoani Dar es Salaam pamoja na waliohusika katika vurugu za Geita na kusababisha kifo cha mchungaji.  Wassira alisema kuwa hatua nyingine ni kukamata kanda za uchochezi katika baadhi ya maeneo kama Dar es Salaam, Tanga, Simiyu na Mwanza na wahusika kukamatwa.

Alilitaka Bunge bila kujali itikadi za wabunge kukemea vitendo vya uchochezi wa dini badala ya kuchochea.

CHANZO: NIPASHE

Presidential Delivery Unit - Kitengo kipya chini ya Rais - chatengewa Bilioni 29!

Kutoka kwa Mwanakijiji:

Mbunge wa Chadema Halima Mdee

Kumbe muda wote serikali ya CCM inapanga na kutekeleza miradi mbalimbali haikuwa na chombo cha kusimamia miradi hiyo ili kuhakikisha matokeo. Sasa wameamua kuwa ili matokeo ya miradi hiyo yaonekane basi wameamua kuunda chombo kipya ambacho kazi yake itakuwa ni kufuatilia utekelezaji miradi mbalimbali. Sasa najiuliza kama miaka yote hii hawakuwa na vyombo vya kusimamia na kufuatilia miradi hiii walikuwa wanafikiria nini wakati wanaandaa miradi hiyo.

Wenyewe wanaita "Big Results Now"...

Halima Mdee kasema kweli hili ni "chaka la ulaji tu" na kasema yote yanayofanywa na Malaysia siyo lazima na sisi tuige tu kwa 'kucopy na kupaste". Sasa sijui ni wazo la nani hili.

Uchunguzi wangu wa haraka haraka unaonesha kuwa hili ni wazo la wafadhili ambao wanatoa kiasi kikubwa cha fedha; wafadhili wanatoa bilioni 25 na ni vigumu serikali kukataa.

Ilianzia wapi?

Dodoma — TANZANIANS should expect reformed leadership and government in its delivery of development programmes, President Jakaya Kikwete said on Sunday.
The president said this in his closing remarks of a two-day seminar on implementation, monitoring and evaluation framework of National Development Plans and Programmes.
President Kikwete said a team that will evaluate the existing structure will be established and propose an effective delivery unit in the Tanzania context, learning from the Malaysian model.
He has directed all ministries to start setting up and organising their own system of supervision, monitoring and evaluation, as they wait for the national system to be set up by the team.
"The seminar has made a huge difference from the way the government delivers its duties, we have learnt that we need to be focused with clear goals and targets and we already have the Vision 2025.
"We have learnt hat we cannot do everything at the same time," he noted. He said the team will present its report in another government retreat in October, which will kick start the process of adopting and customising the Malaysian Big Fast Results model to suit Tanzanian environment.
"The proposed team will come up with proposals on best way to adopt the Malaysian model so that we can deliver our duties better," he explained. He said 50 years ago, Malaysia was at the same level with Tanzania, but 50 years down the line, Malaysia has made big strides in development.
"The important thing, we have learnt from this is that, we can also make it," he added. President Kikwete expressed gratitude to the Malaysian team that provided the knowledge, noting that they have been generous in sharing the knowledge and experience.
"We have come out of this historic and ground breaking seminar transformed. The public should expect transformed delivery of government responsibilities from now on," he added.
He said the Malaysians took all participants slowly through process of the mechanisms of how to make things happen, analysing issues, and agreeing on how to solve problems, monitoring and evaluation. "It's not rocket science; it's not hard to comprehend. It's simply easy to understand and do. You gave us the ABCs of doing it, I promise we will do it," he stressed.
Reading out the resolutions, the Chief Secretary, Ambassador Ombeni Sefue, said the government commits itself to improve delivery and accountability by emulating the Malaysian model. He said the participants learnt from the experience of Malaysia on framework for implementation monitoring and evaluation of their economic and government transformation programmes to achieve fast results.
He said the way forward a multidisciplinary team drawn from a wide spectrum of stakeholders will be established that will propose and prepare a roadmap for operationalisation of an effective delivery government unit, learning from the Malaysian model.

AllAfrica